Dankbetuigings

Ons dank in die eerste plek God, ons Vader, vir die redding deur Jesus Christus en dat Hy ons die genade geskenk het om hierdie webtuiste te skep. Ons hoop dat hierdie ruimte ‘n voortdurende seën en vernuwing vir jou lewe sal wees.

Ons betuig ook ons innige dank aan almal wat gebid het, bid en sal aanhou bid vir hierdie kamp. Julle gebede onderskraag ons sodat ons die woord van die waarheid kan meedeel net soos ons geliefde God dit verlang. Mag Hy ‘n oorvloedige gees van genade en gebed oor elkeen van julle uitstort.

1 Korintiërs 15:57 AFR83 Maar ons dank God dat Hy aan ons die oorwinning gee deur ons Here Jesus Christus.

Efesiërs 6:18-20 AFR83 18 Doen dit alles biddend en smeek God by elke geleentheid deur die Gees. Wees waaksaam en bid gedurig vir al die gelowiges. 19 Bid ook vir my dat wanneer ek preek, God my die woorde gee dat ek die geheimenis van die evangelie met vrymoedigheid kan bekend maak. 20 Vir hierdie evangelie is ek ‘n gesant in boeie. Bid dat ek dit met vrymoedigheid kan verkondig soos dit my opgelê is.